Vaikko njuovahagat leat dievvamin bohccogorudiiguin, de ii bala Biergodiehtokantuvra ahte eai fidne vuovdit bohccobierggu.

Even Nordahl Biergodiehtokantuvrras lohká ahte bohccobiergu ii leat vuos joavdan buvddaide, ja dat sáhttá dagahit ahte johtu ii leat vuos nu buorre, muhto son ii sáhte duođaštit ahte lea heajos biergojohtu.

Nu muitala boazoeiggát Ole Isak Hætta go njuovahat biehttalii oastit sis eanet bohccuid mannan bearjadaga. – Ártet go álggos njuvve 400 miesi ja de easka bissehe, muitala Hætta.

Boazoeaiggát John Olesen Hætta imašta, go su gávpečorragis jápme Northcape Rein jorrái 30 heakka ja 40 goruda bálkestedje, ja dasa lassin vel billistedje 423 goruda.

Stáhtalaš ruhtadoarjja boazogávpefitnodagaide lea lobálaš, cealká eurohpálaš gávpegilvočeahppi. Danin eai birgehala priváhta boazonjuovahagat Boalváriin vaikkovel váiddašedje ášši

Norgga boazodoallohoavda berrešii dutkojuvvot. Dan gáibida Neiden Rein-fitnodaga ovddeš jođiheaddji. Ovddeš Neiden Rein AS fitnodaga jođiheaddji, Odd Erling Smuk, gáibida ahte Norgga boazodoallohoavda berrešii dutkojuvvot.

Boalvvir BA, mii ásahuvvui 2004;s ja mii oastá ja vuovdá bohccobierggu boazodoalliid ovddas, lea dál ožžon 2,5 miljon ruvnnu badjelasas váldit Neiden Rein AS ja Smuk Nesseby As njuovahaga Unjárggas. Boazodoalo Ovdánahttinfoanda lea dán mánu 11. beaivve juolludan fargga 2 miljon ruvnnu doarjjaga Boalvvirii, ja miljonbeale loana. Nu áiggošii Boalvvir ávkinatnit njuovahaga Unjárggas njuovvat ja buvttadit bohccobierggu

Njuovahagain eai beasa gazirdit, muhto jos njuovada gos nu eará sajis, de lea lohpi gazirdit bohcco. Eanandoalloministtar Lars Sponheim čállá reivvestis Sámediggái, ahte boazodoallit besset gazirdit bohccuid go njuovadit bohccuid priváhta atnui eaige njuovat njuovahagain. Sami Radio