Dál lea vuosttaš lávki dahkkon heaittihit muhtun orohagain siidaosiid, go NBR ja stáhta leat ovttaoaivilis ahte olusat šaddet eret ealáhusas ja boazoeaiggádat, geat báhcet, eai oaččo doarjagiid jus eai unnit ealuid.

Norgga Boazosápmelaččaid Riikasearvi, NBR, ii botke šiehtadallamiid Stáhtain, vaikko eiseválddit eai mieđit sihkastit divadiid boazodoalus. Ovddeš NBR jođiheaddji ávžžuha organisašuvnna váidit Norgga ON:ii. Ráđđehus ii sihkas skohter- ja bensiidnadivadiid boazodoalus nugo Norgga Boazosápmelaččaid Riikkasearvvi, NBR, gáibida. Dien vástádusa geardduhedje stáhta šiehtadallit ealáhusa ovddasteadiide, go boazodoallošiehtadallamat jotke Oslos odne.

Bargiibellodaga sámediggejoavkku Egil Olli mielas lea Ruhtadanlávdegoddi váttis departemeanta, go doppe ii leat dáhttu geahpedit divvadiid boazodollui. Bearjadaga doalvu son ášši Stuorradiggái mas dáhttu boazodollui seammalágan divatortnegiid go eanandollui.

Odne deaivvada Stáhta ja NBR šiehtadallanjoavku vuosttaš šiehtadallamiidda. NBR jođiheaddji Nils Henrik Sara lea ožžon čielga rávvagiid ovdaolbmuin ahte ii botket šiehtadallamiid ovdal lea geahččalan buot vejolašvuođaid.

Boazodoallonjuolggadusat prentejuvvojit juohke jagi oktan girjin sáme- ja dárogillii. Njuolggadusgihppagis leat ođastuvvon njuolggadusat boazodoallošiehtadusa olis, ja dat boahtá njuolggadusgihppaga sadjái mii almmuhuvvui geassemánus 2005.