Ikte almmuhuvvui "Boazu-2011" raportta mas leat guorahallan Deanu boazodoalu ávkki servodahkii. Buolbmát Johttisámesearvi Stig Rune Smuk buorren oaidnit ahte sis lea buorre boazodoallu mii buktá olu ávkki servodahkii.

Ovddeš várrepresideanta Odd Erling Smuk válljejuvvui máilmmi boazoálbmogiid searvvi presideantan.

Máilmmi boazoálbmogiid searvvi ovddeš várrepresideanta Odd Erling Smuk válljejuvvui searvvi presideantan jagi 2013 rádjái.

Intenšuvdnasoahpamuš maid vuolláičálle disdaga boazodoallokongreassas ulbmilin lea cegget fierpmádatinstitušuvnna mii čohkke boazodoalu oahppo- ja dutkandieđuid.

Riikkaidgaskasaš boazodoalloguovddáš, Máilmmi boazoálbmogiid searvi ja Sámi allaskuvla vuolláičálle intenšuvdnasoahpamuša mii galgá čohkket oahppo- ja dutkandieđuid mat gusket boazodollui.

Mii bovdet dákko bokte boazodoallománáid ieš guđet regiovnnain miehtá sirkumpolára guovllu sáddet iežaset tevnnegiid ja oasálastit gilvvus “Mánát boazodoalus 2009”. Gilvu lágiduvvo Boazoálbmogiid 4.Máilbmekongreassa oktavuođas Guovdageainnus Norggas, njukčamánu 30.b. – cuoŋománu 3.b. 2009.

Ovtta dain stuorámus orohagain Oarje-Finnmárkku guovdojohtolagas ii leat šat stivralahttu johtolaga stivrras. – Dát ii leat dohkálaš, lohká Ordda ovdaolmmoš Anders Nils J. Gaup.

Deanu leansmánne, Helge Samuelsen, duođašta ahte Čorgaš oroha t lea váidán boazodoalloagronoma, Arne Hansena, ja ahte sii leat dál ášši dutkamin. –Mii leat dál guorahallamin ášši. Váilot moadde áššebáhpára velá boazodoallohálddahusas Álttás ovdal go sáddet politijuristtaide mearridit mannágo ášši diggái vai ii, muitala Deanu Leansmánne, Samuelsen.
 – In kommentere ášši medias. In! Lohká Arne Hansen, boazodoalloagronoma Kárášjogas.

- Eat sáhte doarjut ráđđehusa láhkaevttohusa muđui go dahkkojuvvojit hui stuorra rievdadusat sisdoalu dáfus, ja dál lea Ráđđehusa duohken árjjalaččat váikkuhit dasa ahte nu dáhpáhuvvá, dadjá Sámedikki presideanta Aili Keskitalo (NSR) kommeantan áššái.

Gaskavahku oažžui Nancy Porsanger fálaldaga agronoma Arne Hansenis ahte njeaidit miessešattu ja vahágiid boazodoallodieđáhusas, ja de oažžu doarjjaga máksot juo nuppe beaivvi kontoi.Čorgašnjárgga ovdaolmmoš Nancy Porsanger jođihii ge mánnodaga miellačájáhusa Nuorta-Finnmárkku Boazodoallohálddahusa vuostá, go byrokráhtat dollet doarjagiid muhtun doaluin njealji orohagas Nuorta-Finnmárkkus.

Boazodoallostivra lea mearridan ahte ovddeš boazodoalli Per A. Eira galgá njeaidit Ruoššamuotkkis iežas viesu maid lea geavahan ovdal ealáhusas. Su mielas hállet boazodoallit guvttiin njuokčamiin, ja váidá mearrádusa departementii.